Natur

  • Centre de Voile Aber Wrac'h, Landeda (29)

    Aber Ac’h - Aber Benniged - Sant-Pabu

    Nag un aod kaer-meurbet eo hini an Aberioù, a reer aod ar mojennoù anezhi ivez. Amañ e teu an dour tre e-barzh an douaroù, ur marzh eo da welet, peadra da chom sabatuet. Bordet eo ar mor glas-pers gant aodoù traezh fin, ken ne c’haller nemet bezañ boemet gant ar c’hornad brav-se.

    evit gouzout hiroc’h

  • Héron cendré, Réserve naturelle régionale du lac de Grand-Lieu (44)

    Al Lenn Veur

    Al lenn naturel vrasañ er plaenennoù e Frañs eo al Lenn Veur, ha koulskoude ne vez kaoz kazi gwech ebet eus al lec’h dibar-se. Dav eo lavaret eo kuzhet a-dreñv renkennadoù gwez ha korz-dour. Hentoù distro a gaso ac’hanoc’h betek ar glad naturel-se hep e bar, ken pinvidik ha Camarga.

    evit gouzout hiroc’h

  • Le croisic depuis le marais

    Ar Groazig

    Ur blijadur eo mont da dañva aergelc’h ar porzh bihan dibar-se a-hed ar c’haeoù ma weler bigi pesketa ha bageal luskellet gant ar mor. Evit ober anaoudegezh gant ar mareoù ma rae berzh ar gêr-se gant ar mor, n’eus nemet kantren etre an osteloù prevez hag an tiez kozh, eus ar c’hoc’hu-pesked betek an Aod Ouez tiez bras kaer hed-ha-hed ganti.

  • Chapelle Saint-They, Pointe du Van (29)

    Ar c'hab

    Un tour-tan bihan plantet en un tamm lanneg, un ti gwenn war ur beg douar roc’hellek, ur chapel kludet evel ur geder war ur c’hastell-lestr… Mard it da bourmen war aodoù ar C’hab e c’hallot gwelet Breizh he livioù flamm leizh ho taoulagad, pell diouzh an hentoù darempredet stank. Ur bam d’ar galon !

    evit gouzout hiroc’h

  • La Pointe du Grouin (35)

    Beg an trein

    Ar beg-douar roc’hellek-se, ar bonn diwezhañ a-raok mont tre e-barzh Bae Menez-Mikael-ar-Mor, zo ul lec’h arvestiñ a-feson dindan ar seizh avel. Brav-eston eo, ken ez eo, unan eus al ledanañ gwelioù meur a zo en Il-ha-Gwilen. Talvezout a ra neuze kerzhet ur pennadig en hentoù don da vont betek eno.

    evit gouzout hiroc’h

  • La Gacilly à vélo en couple

    Gazilieg

    Ur gêr vihan hag a c’hall bezañ souezhus-bras eo Gazilieg. Plijet e vezer o vale er straedoù bleuniet kaer, koulz abalamour d’an tiez kozh ha da labour an artizaned o deus en em staliet eno. E-pad an hañv e vez dalc’het ar festival luc’hskeudennoù ha neuze e teu talbennoù an tiez da vezañ lec’hioù an diskouezadegoù, pell diouzh ar “c’hlichedoù” !

    evit gouzout hiroc’h

  • Mousterlin

    Traezhennoù e-touez ar re gaerañ hag ul lec’h gwarezet ennañ spesadoù laboused e-leizh… Emaoc’h e bro Fouenant, e Kerne. Kemerit un devezh evit gwelet ar Mor Gwenn ha polder Mousterlin. E-pad ar maread touristañ e vez aozet gweladennoù heñchet gant ofis an touristerezh Fouenant.

    evit gouzout hiroc’h

  • Plage de Saint-Cast

    Sant-Kast ha Sant-Yagu

    M’emaoc’h o klask ur gêr gouronkañ vrav evit tremen un nebeud devezhioù ez eo e korn-bro Sant-Kast-ar-Gwildoù e tleit chom a-sav a-dra-sur. Eno e c’hoarvez ar gweledva eus begoù-douar, inizi, oufoù ha traezhennoù war-hed kilometroù. Kemerit amzer d’ober ur bourmenadenn en aod hag e dismantroù ar c’hastell a-raok mont d’ober anaoudegezh gant gourenez Sant-Yagu-an-Enez.

    evit gouzout hiroc’h

  • Saint-Suliac, filet aux volets bleus

    Sant-Suliav hag ar Renk

    Traonienn ar Renk zo unan eus aberioù heverkañ Breizh. Ha pa vez dizoloet takadoù ledan da goulz an daere ez eo heñvel a-walc’h al lec’h ouzh ur wazh-vor da goulz ar gourlanv.Talvout a ra ar boan da vat mont da vale war ribl ar stêr eus Dinan betek Dinarzh ha Sant-Maloù ! Eno e c’haller gwelet kêriadennoù ha manerioù kaer diouzh doare Sant-Maloù.

    evit gouzout hiroc’h