Lec'hioù arouezel

  • Ploumanac'h

    Ploumanac'h, ur gêr gouronkañ eus Aodoù-an-Arvor, zo brudet evit he reier maen ruz. Berniadoù bras a vein kizellet gant ar mor hag an avel, a ginnig d'ar weladennerien gweledvaoù hogos diwirion. Ul lec'hiad naturel en e gaerañ

    evit gouzout hiroc’h

  • Josselin, sur le Canal de Nantes à Brest

    Josilin

    Disteuler a ra an Oud skeudenn melloù tourioù ar c'hastell. D'ar familh Roc'han eo, unan eus familhoù koshañ Breizh. Deuet eo da vezañ arouez ar gêr vrav-se. Ezhomm ho po ur penn-devezh evit bale e straedigoù kaer ar gêr vihan-se neuziet-kaer hag evit mont da welet he fenniliz.

    evit gouzout hiroc’h

  • Locronan, rue de l'église

    Lokorn

    Gant he savadurioù eus ar re vravañ eo bet lakaet Lokorn e-barzh rummadoù ar “c'hêrioù bihan neuziet-kaer” ha “kaerañ kêrioù bihan Frañs”, un enor na vez ket graet d'an holl. Kompren a reot buan perak o welet, p'en em gavot war droad, an tiez kaer-eston en o splannañ en-dro d'ar blasenn greiz vrav, enni ur puñs.

  • Pointe du Raz

    Beg ar Raz

    Beg ar Raz, e penn pellañ kornôg Europa, zo ul lec'h dibar e-lec'h ma vez degemeret a-leizh a weladennerien bep hañv. Pa vez sellet ouzh an donvor, etre reier sonn ha mor glas, e c'haller estlammañ ouzh Enez-Sun, hag ivez ouzh tour-tan ar Maen pa vez hinon an amzer. Ur gwel kaer arouezel.

    evit gouzout hiroc’h

  • Promenade en sinagot en baie de Cancale

    Kankaven

    Tañva a reer ar porzh kaer-se koulz dre ar selloù ha dre ar genoù. Anavezet eo Kankaven evit an istr hag ar c'hregin a gaver enni, ha lakaet eo da lec'h dibar e-keñver ar blazioù. Blazataet e vez an traoù lipous iodet-se, anezho unan eus perzhioù gwellañ ar gêr hep mar, en ur sellet ouzh Menez-Mikael-ar-Mor, ul lec'h kaer-eston ma 'z eus, sonn e-kreiz e bleg-mor.

  • Rennes - transat en ville

    Roazhon

    Roazhon, ur gêr meulet evit al lusk degaset enni gant ar skolioù-meur hag ar sevenadur, a unvan ar galon gant ar skiant evit en em reiñ d'ar stranerezh, d'ar blijadur pe d'ar souezh. E pleg ar straedoù istorel e vez sachet evezh ar weladennerien gant un talbenn meurdezus, un sal sonadegoù, ur preti diouzh ar c'hiz pe gant ur stal dizagn. Da ergerzhet a youl frank... ha gant ar metro !

    evit gouzout hiroc’h

  • Roc Trevezel, Monts d'Arrée

    Menez-Are

    Na pegen sebezus eo dremmvro Menez-Are ! Dedennet e viot gant ar c'horn-bro-se en em led e-kreiz Breizh hag a zo war un dro gouez ha gwarezet. Al lein uhelañ anezhañ eo Roc'h Ruz, 385 m a uhelder. Nepell dioutañ ez eus liorzhoù-parrez, sternioù-aoter ha chapelioù koant a dalvez ar boan bezañ gweladennet

    evit gouzout hiroc’h

  • Saint-Malo - plage du sillon

    Sant-Maloù

    Evel ul lestr maen emañ Sant-Maloù e beg ar Renk, sonn ha lorc'het he mogerioù-kreñv a-us an traezhennoù hag ar porzh. Dont a ra neuz dibar ar gêr diwar talbennoù an tiez hag an tourioù a zeu war wel a-ziadreñv ar ramparzhioù. Evit ober anaoudegezh gant kêr Sant-Maloù n'eus ket gwelloc'h eget an hent-ged a c'haller diwarnañ gwelet traoù dibar !

  • Rue du Jerzhual à Dinan

    Dinan

    Sonn a-us ar Renk emañ Dinan, tost tri c'hilometrad mogerioù-kreñv en-dro dezhi, hag he c'hastell eus ar 14vet kantved. Izeloc'h emañ ar porzh-bageal bihan, a yeer kuit ac'hano d'ober baleadennoù kaer a-hed an aber, tra ma kaver uheloc'h tiez korbelloù kement ha kendelc'her da vizitañ ar gêr-se, tres ar Grennamzer warni.

  • Château de Técesson (35)

    Breselien

    Piv n'en deus morse klevet komz eus mojenn ar roue Arzhur ? E koad Breselien, ur c'hoad hollgaer anezhañ, etre lanneier ha stankoù, emañ mammenn ar vojenn-se. Trawalc'h eo komz diwar-benn al lec'h-se evit dihuniñ ur bed poblet gant ar voudig Viviana, Merzhin an hudour hag ar Marc'heg Lañselod. Ul lec'hiad boemus da welet da-geñver troioù-bale.

    evit gouzout hiroc’h

  • Parapente au Menez-Hom (29)

    Menez C’homm

    Unan eus lec'hioù uhelañ Breizh eo Menez C'homm, dezhañ 330 m uhelder. Talvezout a ra ar boan ober un arsav war ar menez-tan kozh-se. Aes a-walc'h eo pignat betek krec'h, hag ac'hano e c'haller kaout ur sell dibar ouzh ar vro. Hiziv an deiz eo priziet kalz al lec'h-se gant parapenterien.

  • Notre-Dame de Tronoen, La Torche (29)

    Beg an Dorchenn

    Ur bam eo gwelet Beag an Dorchenn, anezhañ ul ledenez naturel e-kreiz ar Vro Vigoudenn. Eno e vezer e-barzh an avelioù, gant-se eo ul lec'h anavezet mat gant ar seurferien. Plijout a ra ivez d'ar valeerien a ya di da welet ar meurvein. Dibabit mont da goulz nevezamzer, pa vez goloet ar beg gant tulipez liesliv.

  • Ile Feydeau, Nantes (44)

    Naoned

    War glannoù al Liger e c’hallit saludiñ Anna Vreizh en he c’hastell, gwelet an osteloù prevez o wintañ-diwintañ gant an dour, ober prenadennoù en ur monumant istorel ha pignat war gein un olifant a-raok evañ ur banne en ul labouradeg. Ne gredit ket ac’hanon ? Deuit da welet ar gêr souezhus-se !

    evit gouzout hiroc’h

  • Sant-Goustan

    E-ser tremen war bont an hent-tizh etre Gwened hag an Oriant e vez sachet an daoulagad gant ur porzhig bihan. Sant-Goustan, tamolodet e foñs un aber, a dreuz ar c’hantvedoù en ur virout e straedoùigoù pavezet, e bont maen, e diez o bannoù koad hag e gaeoù bev-buhezek. Gant he neuz voust e vez broudet an den da straniñ.

    evit gouzout hiroc’h

  • Fort la Latte 1

    Ar C'hab Frehel

    Emañ tornaodoù skilt ha krag roz ar C'hab Frehel ouzhpenn 70 metr a-us ar mor. Diwarno e c'haller kaout unan eus ar gweloù kaerañ e Breizh. Ul lec'h hep e bar eo, warnañ lann ha brug, anez ankouaat ar gwarezva evned. Mont a reer da vale ac'hano betek ar Roc'h-Goueon, ul lec'h brudet ma'z eus.

  • Doelan vue generale

    Dolan

    Hennezh eo "patrom" ar porzhioù evit al luc'hskeudennoù vakañsoù ! Ur gwir vravig tamolodet etre gwantennoù ha gwerjeoù. Eno ez eo pep tra evel en un hunvre : ar bigi pesketa faro, an tiez mein bihan pe ar re wenn gaer lakaet a-bazennoù war ar pantennoù, an tourioù-tan roudennek...

  • Enclos paroissial de l'église de Saint-Thégonnec

    Ar porzhioù-iliz

    Gant hent ar porzhioù-iliz a ya a-dreuz traoñienn an Elorn ho po digarez da welet ar relijion gatolik en un doare digustum. War ur c'halvar, ur jube pe ur volz-enor e vez adkavet perzhioù ar relijion ha mojennoù Breizh mesk-ha-mesk e-barzh oberennoù kaer-eston. Saouzanet e viot a-dra-sur gant ar pennoberennoù-se !

  • Baie du Mont Saint-Michel

    Gwiver, bae Menez-Mikael-ar-mor

    Forzh pelec’h ez afe ho selloù e kardarnont deoc’h ez eo bae Menez-Mikael ul lec’h burzhudus. Rannet e vez an dremmwel etre an traezh, an tachennoù geotek, ar mor, an oabl. C’hoari a ra ar gouloù gant an elfennoù en ur gweledva cheñch-dicheñch a zameuc’h skeudenn Menez-Mikael hag ar regennadoù tuchadoù meskl.

    evit gouzout hiroc’h

  • Le site du Gouffre au Castel Meur

    Plougouskant

    Ur vent dreistordinal a vez gant pep tra ! Hadachoù enezennigoù, porzhioù munut, tiez poupinelloù tre e-kichen ramzed greunvaen, dremmwelioù frank ha digor, enezegi hirañ ma weler... Ur milendal gwenodennoù a gaso ac'hanoc'h e kalon an endro liesseurt-se.

  • Alignements de Carnac

    Karnag

    3 lec’hienn en 1 zo e kêr ! Emañ, evel-just, ar steudadoù meurvein hollvrudet, da vamiñ outo gant gouloù izel ar mintin pe fin an devezh. Emañ ar vourc’h m’en em gav an holl d’an devezhioù marc’had. Hag emañ Karnag Tal-ar-Mor, luskellet etre ar c’henkizoù cheuc’h, ar pin-Bourdel hag an traezh fin.

    evit gouzout hiroc’h

  • Baignade à Erquy

    Erge-ar-Mor

    Dek traezhenn gant traezh fin, ur porzh-pesketa oberiant brudet evit e gregin-Sant-Jakez lipous, troiadoù-bale hag e pep lec’h liv dibar ar c’hrag roz... N’eo ket ar perzhioù mat nag an temz-spered a ra diouer da Erge. Gounezet e vo ho kalon ganti !