Inizi ha gourinizi

  • Gavrinis

    Gavriniz

    Kregiñ a ra ar veaj en Neolitik en Arvor-Baden, Porzh Noaloù pe Lokmaria-Kaer, pa ya kuit an herrvag eus an douar-bras da vont war-zu Gavriniz. Eno e kaver eus unan eus kaerañ lec'hiennoù meurvaenek ar bed, hervez an arkeologourien. Deuit da welet darn eus an traoù a zo kuzhet enni.

    evit gouzout hiroc’h

  • archipel des glenans 1

    An Inizi Glenan

    Seizh enezennig en-dro d’ur mor diabarzh e zourioù treuzwelus, traezhennoù gwenn... N’emaoc’h ket en Inizi Sechelez, e Breizh ne lavaran ket ! An enezeg-se, a-vaez da Gonk-Kerne, zo heñvel ouzh gweledvaoù broioù an trovanoù : par d’ar baradoz. Un hunvre deuet da wir.

    evit gouzout hiroc’h

  • L'exceptionnel jardin botanique de l'abbaye de Daoulas (29)

    Plougastell-Daoulaz

    Piv, e-mesk ar begoù lipous, n’anavez ket sivi saourus Plougastell ? Kuit da c’hortoz pelloc’h, it d’ober anaoudegezh gant ar c’hornad brav-se sko ouzh morlenn Brest, ennañ ur c’halvar eus ar c’haerañ, chapelioù hag abati Daoulaz. Souezhet e viot gant mikro-hinad ar c’hourenez-se hag he douaroù strujus, ar pezh a ra d’an dud ober « liorzh Brest » anezhi.

  • L'Abri du Marin, Sainte-Marine (29)

    Enez-Tudi ha Sant-Voran

    Donemat er Vro Vigoudenn. A-dal da Loktudi, anezhi ur porzh bihan brav anavezet evit a sell ouzh pesketa grilhed-traezh,emañ Enez-Tudi. Sur a-walc’h e viot plijet-kaer ganti, enni straedoù bihan strizh, tiez bihan troet o c’hein ouzh ar mor, un draezhenn 3 km hirder... Ur gêr gouronkañ eus ar re blijusañ eo. Nepell ac’hano emañ porzh Sant-Voran, e-touez ar gwez hag ar bleunioù, peadra da vezañ bamet.

  • Ile de Batz (29)

    Rosko hag Enez-Vaz

    Savet eo bet Rosko war ur c’hourenez digor war Mor Breizh ha talvezout a ra ar boan mont betek enni. Tiez kaer fichet kran hag a oa da baramantourien, un iliz doare gotek flammheñvel... Plijet e viot gant ar gêr-mañ, anezhi ur porzh hag ur gêr gouronkañ war un dro. A-dal dezhi emañ Enez-Vaz hag he hinad klouar hag a zegas c’hoant d’an den da chom da zistanañ.

  • Phare de la Vieille

    Tour-tan Enez Werc'h... ha re all

    A-us d’ar stroñsoù etre ar reier hag ar gwagennoù e vez gouleier an tourioù-tan o plavañ. Mont a reont d’ober ur c’harlantezenn vaen da heñchañ ar vartoloded betek penn o beaj hag an dud all war-zu hunvreoù kaer. Tour-tan uhelañ Europa eo hini Enez Werc’h. Santet e vo mat gant ho tivhar p’ho po pignet ennañ !

  • Belle-Ile

    Ar Gerveur

    Un enezenn gaer eo ar Gerveur evit gwir. Ul lec’h ma c’hallfe an den tremen e holl vakañsoù hag a zellez bezañ gweladennet e-pad meur a zevezh eo. Etre an traezhennoù sioul hag an tornadoù estlammus, etre ar porzhioù briket hag ar maezioù glas, e kinnig an enezenn ur vozaikenn builh a weledvaoù.

    evit gouzout hiroc’h

  • Conleau, près de Vannes

    Enizenac’h ha Mor-bihan Gwened

    Na pegen kaer eo mor-bihan Gwened ! 42 enezenn zo ennañ , evel kement-all a darchoù glasvez war ar mor glas-pers... Par eo ar gweledva d’ur gartenn-bost, gant douster an hin ouzhpenn. Evit ober anaoudegezh gant ar mor-bihan, krogit ‘ta gant Enizenac’h, un enezenn dudius-kaer anezhi…

    evit gouzout hiroc’h

  • Ile de Sein 1, maisons et bateaux

    Enez-Sun

    Meur a gejadenn zo ouzh ho kortoz war Enez-Sun, pozet war c’horre ar mor. Kejañ ganeoc’h-c’hwi hoc’h-unan er parkadoù bili, kejañ gant an natur war al lanneg rasket gant an avelioù, kejañ gant an enezidi o c’halonoù tomm, a ya e darempred diardoù gant ar vizitourien a zeu da zilestrañ war ar c’haeoù o ziez liesliv.

  • Eusa

    Ha prest oc’h da vont betek ar penn ? Penn en enezeg Eusa, neuze ! E kornôg pellañ pennvro Frañs he do ho chomadenn ur blaz diouti hec’h-unan hag a roio nerzh deoc’h en-dro. Diwirion e seblant bezañ ar c’holier enezennoù-se, istribilhet etre an oabl hag ar mor, gronnet gant fru. Ur gwir soubadenn-deskoni !

    evit gouzout hiroc’h

  • Ile Bono 1

    Ar Jentilez

    War-dal Aod hollgaer ar Vein Ruz e tiveuz poultrennoù douar a-rez an dour. Dre lestrañ en ur vag e c’hallit mont tre e rouantelezh varzhus an evned-mor. Ambrouget e viot gant koroll dibaouez an divaskelloù ha tousmac’h ar c’hriadennoù e-pad ho treizhadenn etre plu ha fru.

    evit gouzout hiroc’h

  • Ile de Houat, Golfe du Morbihan

    Enez-Houad

    Lakaat an treid war Enez-Houad zo evel mont da veajiñ pell hag analiñ bannac’hoù aer arallvro. Kemerit hent ar vourc’h eus Porzh Sant Geltaz asambles gant an enezidi a vez o stlejañ o c’harrigelloù. En tu all d’an tiez gwenn bihan, it d’ober un achapadenn en un natur gwarezet. Bamet e vo ho spered gant mareoù prizius !

  • Moulin à marée, île de Bréhat

    Enez-Vriad

    Dispartiet eo Enez-Vriad diouzh an douar-bras gant ur wazh-vor, ha trawalc’h zo gant un dek munutenn bennak gant ar vag evit mont di adalek beg an Arc’houest. Ha koulskoude... Divroet e vez an den diouzhtu en enezenn-se, adanvet « an enezenn he bleunioù » abalamour d’al liesseurt m’eo ar plant enni ha d’ar c’haer m’eo he gweledvaoù. Ur gwir varadozig.

    evit gouzout hiroc’h

  • Le Château Suscinio

    Susinioù ha gourenez Rewiz

    Plijet e veze duged Breizh dija gant ar stec’henn douar ha traezh-se a ya da serriñ ar Mor Bihan. Dindan un heol splann ez a geunioù hag aodoù roc’hellek, porzhioù dizro ha traezhennoù flour a bep eil d’ober gourenez Rewiz. Pa’z eer betek Porzh Noaloù e vezer souezhet gant dremmoù liesseurt ar vro.

  • Presqu'ile de Quiberon

    Gourenez Kiberen

    Un aod gouez hag estlammus er c’hornôg, traezhennoù brav gant traezh fin er reter : kinnig a ra gourenez Kiberen, a-hed 14 km, gweledvaoù liesseurt a vez hoalet an den ganto diouzhtu. Unan eus ar re vrudetañ eus kêrioù-kouronkañ Breizh eo, hag ivez ul lec’h evit mont d’ar Gerveur, da Houad ha da Edig.

    evit gouzout hiroc’h

  • Les Grands Sables, Groix (56)

    Enez-Groe

    3/4 eur gant ar vag ha setu c’hwi en Enez-Groe, prest da grimpat ar c’hrapennoù gant ho pelo, da dañva ar sardined grilhet pe da ganañ en ur c’hafedi deuet da vezañ brudet-kaer. E-barzh ur gêriadenn he ziez izel pe en un ouf e zourioù sklaer, e welot pegen gwir eo ar c’hrennlavar "Qui voit Groix, voit sa joie".

    evit gouzout hiroc’h

  • cap de la chevre 1

    Beg Penn ar Roz

    Tornaodoù war-dro 100 m uhelder dezho hag a gouezh a-bik er mor, ur gwel kaer war bae Douarnenez ha bae Morgad. Sebezet e vezer o welet kement-se. Gant nerzh ha kaerder mesk-ha-mesk ez eo Beg Penn ar Roz un diverrañ eus Breizh.