Glad

  • Château de Quintin

    Kintin

    E-kreiz garzhaouegoù glas Breizh emañ Kintin, anezhi ur gêr vrv eus ar Grennamzer. Meur a savadur istorel a gaver enni : daou gastell, trizek monumant rummet hag ur mirdi, gant-se e tere mat he label « kêr vihan neuziet-kaer » outi. Plijout a ray deoc’h hep mar ebet.

  • La Roche-Jagu

    Ar Roc'h-Ugu (ha traonienn an Trev)

    E Bro-Dreger, a-us aber an Trev, emañ kastell ar Roc'h-Ugu. Daou stumm disheñvel a ziskouez d'an dud : diouzh un tu emañ an tal a-raok, meur a doull-dor pe a doull-prenestr outañ, ha diouzh an tu a-dreñv un tres rust. Gant ar gwel kaer war an draonienn en he fezh avat e vezer bamet ar muiañ.

    evit gouzout hiroc’h

  • Villa Saint-Germain, Dinard (35)

    Dinarzh, Sant-Briag ha Sant-Luner

    Piv n'anavez ket Dinarzh hag he ziez kaer eus mare ar Belle Epoque ? Ken brav ha ken cheuc'h bepred eo chomet ar gêr gouronkañ-se war Aod an Emrodez. Un dudi eo sellet ac'hano ouzh ar Stêr-Renk hag ouzh Sant-Maloù. Nemet ha gwell e vefe ganeoc'h bezañ er c'hêrioù kouronkañ ken plijus all, Sant-Luner ha Sant-Briag, a gaver nepell alese.

    evit gouzout hiroc’h

  • Ville de Fougères

    Felger

    Ur pezh mell tres greunvaen a-us ar gêr... Kerkent hag erruet e Felger e komprener pelec'h emeur. Gronnet eo an tiez o frammoù koad hag ar straedigoù pavezet, ken brav ha gwechall, ouzh troad brasañ kreñvlec'h Europa. Setu tost mil bloaz a istor dirak ho selloù !

    evit gouzout hiroc’h

  • Le Faouët - chapelle Sainte-Barbe

    Ar Faoued

    Er maezioù kamm emañ ar Faoued, enni lec’hioù dudius a-leizh evit mont da vale. Piv en dije soñjet emañ eno, el lodenn eus Kerne a zo er Mor-Bihan, kaerañ koc’hu Breizh, unan eus bravañ jubeoù Breizh, chapelioù gotek eus ar c’haerañ... ?

  • Abbaye de Bon repos à vélo

    Abati Verrepoz

    Pegen kaer eo istor abati Verrepoz ! Savet e oa bet en 12vet kantved, ha goude bezañ graet berzh e-pad ur reuziad e kouezhas tamm-ha-tamm en he foull . Adkempennet eo bet gant ur strollad tud youl ganto, hag en deiz a hiziv e vez aozet ingal diskouezadegoù arz a vremañ enni.

    evit gouzout hiroc’h

  • Remparts de Moncontour (22)

    Monkontour

    Piv na vefe ket bamet gant tres dudius Monkontour ? Pintet eo war lein un dosenn, he mogerioù-kreñv en-dro dezhi. Gant gwir abeg eo e vez graet ur gêr vihan neuziet-kaer anezhi. Plijout a ray deoc’h kalz pourmen eno er straedoù bihan liv ar Grennamzer warno, ober anaoudegezh gant hec’h istor ennañ kreñv pouez ar chouanerezh hag ar wiaderien, mont da vale er maezioù sioul.

  • Ville close de Concarneau

    Konk-Kerne

    Ne c’haller ket chom hep bezañ bamet dirak kaerded ar gêr gloz gronnet en he mogerioù-kreñv, e-kreiz Konk-Kerne hag en unan eus bravañ baeoù Breizh. Koulskoude ma kuitait he hentoù-ged hag he straedigoù e-pad ur pennadig e welot traoù disheñvel met ken kaer all er porzh-pesketa pe war an traezhennoù.

  • Baie de Douarnenez 1

    Douarnenez (bae ha porzhioù)

    Pevar a borzhioù, evelkent, zo e Douarnenez, ur gêr vrav troet war-zu ar mor. Deuit da dañva aergelc'h dibar he c'haeoù a gaver warno, hiziv an deiz, tiez-krampouezh hag ostalerioù da zegas buhez enno, da welet he straedigoù o stalioù-labour hag o ziez pesketaerien, hag it da vale betek Plomarc'h, he bae eus ar c'haerañ hag an traezhennoù nepell alese.

    evit gouzout hiroc’h

  • Vue sur la cathédrale Saint-Corentin à Quimper

    Kemper

    Brasat plijadur kantren e straedigoù kêr gozh Kemper ! A-hed ar banelloù o anvioù a zegas da soñj eus an istor, ez eus tiez o frammoù-koad, a-us dezho e spurmanter korzennoù iliz-veur Sant-Kaourintin. Kendalc'hit gant ho paleadenn o c'hoari lamm-maout war treuzelloù an Oded, en un endro glazvez.

    evit gouzout hiroc’h

  • Abbaye de Landévennec (29)

    Landvenneg

    Nag ur blijadur en em gavout en oaziz c'hwek-mañ ! Gant ar sederidigezh a sav diwar an takad douar-mañ, sko ouzh pleg diwezhañ ar Stêr-Aon, e vezer lakaet d'en em soñjal. Gant-se n'eus ket da vezañ souezhet e voe plijet sant Gwenole ha menec'h sant Benead gant al lec'h ! Ouzhpenn-se e kaver amañ ur struzh kreizdouarel pe dost.

    evit gouzout hiroc’h

  • Château des Rohan à Pontivy

    Pondi

    Talvezout a ra ar boan chom a-sav un devezh e Pondi, ur gêr vrav ma’z eus ! Petra zo da welet ? Ur mell kastell eus ar Grennamzer bet savet gant ar re Roc'han, an tiez o c’horbelloù a zo er gêr gozh, disheñvel-mik diouzh ar savadurioù eeun ha sonn eus mare Napoleon, hag ivez ur bern chapelioù bihan da vezañ dizolozet.

  • Château de Vitré de nuit

    Gwitreg

    P’en em gaver e toull-dor Breizh e vezer plijet gant Gwitreg, gant he c’hastell eus ar Grennamzer, he straedoù kozh dudius hag he ziez o bannoù koad adkempennet brav. Kemerit amzer da splujañ en amzerioù-se hag a zo eus ar re blijusañ. Nemet ha gwell e vefe ganeoc’h ar 17vet kantved, gant markizez Sevigneg he deus merket ar c’hornad.

  • Vue aérienne de la citadelle Vauban de Port Louis

    Porzh-Loeiz

    Evel ur gward maen emañ ar wikadell o tiwall ar gêr ha morlenn an Oriant he dourioù o livioù perlezek. A-dreñv ar mogerioù-kreñv n'int ket bet distrujet gant ar c'hanolioù na gant an amzer o tremen ec'h adkaver pompadoù Kompagnunezh an Indez ha perzhioù kaer ur porzh pesketa. Da weladenniñ ho fri en avel !

    evit gouzout hiroc’h

  • Camaret 2

    Kameled

    Hep mar ebet eo Kameled unan eus kaerañ porzh ar rannvro. It betek eno evit gwelet bered ar bigi kozh, ar chapel dudius ha Kastell Kameled, hag ivez an aodoù kaer hag an tornaodoù souezhus. It da vezañ bamet, sur ha neket marteze !

  • Château de Vannes

    Gwened

    Meur a neuz zo gant kêr Wened : kêrbenn ar Mor-Bihan, porzh-bageal, plas-kreñv, kêr eus ar Grennamzer, kêr arz ha istor… Santet e vez er straedoù, etre ar c’haeoù gwez hed-ha-hed ganto hag an tiez eus ar 15vet kantved, pegen c’hwek eo bevañ eno. Deuit da dañva an endro-se !

  • Cathédrale Saint-Tugdual, Tréguier

    Landreger

    Emañ kêr Landreger lec’h ma teu ar Gindi e-barzh ar Yeodi. Enni e kaver war meur a live, eus ar porzh betek lein an dosenn, banelloù ha plasennoù bihan brav. Pa seller ouzh an tiez o bannoù-koad, dindan askell korzenn fin an iliz-veur, e weler ar pouez bras a oa gant Landreger a-fet arz ha soñjoù.

  • La Roche-Bernard

    Ar Roc’h-Bernez

    War ar vein dilufret gant ar bloavezhioù hag ar straedigoù war ziribin e lenner istor ar gêr-mañ ganet diwar ar mor hag ar merdeiñ. Gwelet a reer tiez kozh, osteloù prevez a-grap war riblenn ar Gwilen, savet ouzh tor ar reier a-wechoù, hag a seblant bezañ o tiskenn war-zu ar porzh kozh. Ur gêr stummet diouzh he doare dezhi hec’h-unan !

    evit gouzout hiroc’h

  • Brest 2008 Fête maritime internationale

    Brest

    Disoñjit kement a ouzit, a gav deoc'h, diwar-benn Brest ha deuit da vizitañ kalon ar gêr-se, e bord ar mor, en unan eus kaerañ lennoù-mor Bro-Frañs. E-touez an traoù da vezañ gwelet : pont an Hirwazh, ur marzh e welet, ur valeadenn a-hed ar c'haeoù birvilh warno betek ar c'hastell mirdi, anez ankouaat mont da vizitañ Océanopolis.

    evit gouzout hiroc’h

  • Bassin du port de Saint-Nazaire avec un paquebot en finition (le MSC Magnifica)

    Sant-Nazer

    Ha pa vefed o sellet eus pell e vezer plijet gant Sant-Nazer. Tres kromm ar pont e obantoù a zo eno, gant e bester ruz ha gwenn, a zistenn linenn an dremmwel. Givri divent ha gorreerioù a weler, sonn e-kichen ur c’houc’h hag a sav a-us ar c’hendioù. Ha pa’z eo dreist-muzul an traoù enni e chom ar gêr, dre chañs, ul lec’h m’o dez an dud plijadur o vevañ asambles !