Douar an awen

Foto 1 Douar an awen Foto 2 Douar an awen Foto 3 Douar an awen Foto 4 Douar an awen
  • Forêt de Brocéliande, détail d'un arbre

    Mojennoù

    Gant gwir abeg e vez graet Douar ar Mojennoù eus Breizh. Kaset e vezer da hunvreal gant hec’h Istor, he sevenadur keltiek, he lec’hioù hud, he lanneier kevrinus. E koad Pempont eo lec’hiet mojennoù Arzhur. Klevet e vez, etre ar peulvanoù hag a-dal da Zouarnenez, heklev pobloù aet da get ha kêrioù beuzet er mor. Kavet e vez sent o galloudoù hud e lec’hioù brudet-kaer.
     

    evit gouzout hiroc’h

  • Amadou et Mariam à Art Rock

    Sonerezh

    Bras-kenañ eo pouez ar sonerezh. Ur mestr telennour e oa Marzhin dija. Seniñ al lourenn a rae ar varzhed hag an drouized. Evit bezañ klevet mat eo en em lakaet ar Vretoned d’ober gant daou venveg kreñvoc’h o son : ar binioù hag ar vombard. Barrek eo ar bagadoù, gwelloc’h eget biskoazh, da lakaat ar c’halonoù da dridal. Digor int war ar sonerezhioù all, e-se int kustum da seniñ asambles gant an arzourien a ra berzh war al leurennoù hag er festivalioù. 

    evit gouzout hiroc’h

  • Les textiles Armor Lux.

    Krouiñ

    Pep bro he deus savet tamm-ha-tamm he stil dezhi hec’h-unan, ha pell eur aet ganti a-wechoù : 1200 stumm gwiskamantoù ! Merzout a reer koulskoude e teuont holl diwar ar memes mammennoù. Plijout a ra nerzh an dargemmoù d’ar c’hrafourien, d’ar vroderien. Adkavet e vez ar memes tresoù troidellek war ar feilhañs, ar gwiad hag an arrebeuri. E kêrioù artizanelezh evel Gazilieg, Roc’h-an-Argoed pe Pont-Skorf e vez krouet traoù nevez diwar an hengoun-se. 

    evit gouzout hiroc’h

  • Paul GAUGUIN (1848-1903), Deux têtes de Bretonnes, Pastel – 1894

    Livouriezh

    Trellet e oa daoulagad Matisse gant strink al livioù pur. « An dereziadoù livioù marzhus, an amlivioù dreistordinal » a veze priziet kalz gant Gauguin, unan eus pennoù bras Skol Pont-Aven. Badouellet e veze Boudin e-unan gant oabloù Breizh. Plijet e veze Picasso gant kouronkerezed startijenn ganto. Awenet eo bet an holl livourien gant ar gouloù sebezus, ar c’hemmoù krenn, livioù melen ha glas al lanneier, al liv glas liesstumm, evel ar mor. 

    evit gouzout hiroc’h

  • Festival "L'art dans les chapelles" (2009) : Egide Viloux, éclaircie. Chapelle Saint-Nicolas, Saint-Nicolas Des Eaux, Pluméliau (56).

    Arzoù a vremañ

    Gant e oberennoù liesseurt emañ ar FRAC (dalc'had rannvroel an arz a vremañ) e penn ur rouedad kreizennoù arz ha palieroù hag a ra war-dro ar skignañ er c’hêrioù bras pe vihan. Adkavout a reer gantañ an holl vediaoù : livañ, tresañ, luc’hskeudenniñ, video, kizellañ, staliadurioù… Roet e vez kalzik a blas d’an doareoù arz nevez savet diwar temoù pe materioù eus ar vro.
     

    evit gouzout hiroc’h

  • Audrey Tautou, "Un long dimanche de fiançailles"

    Ar sinema

    Abaoe mare ar vreudeur Lumière e vez diskouezet Breizh ingal en dalenn gentañ. Pe e vefe evit filmoù hir pe berr, teulfilmoù pe filmoù bevaat, e labour realizatourien eus Breizh evit ar skinwel hag ar sinema. Plijout a ra he dremmvroioù, ha dreist-holl ar mor, d’ar filmaozerien eus Pariz pe eus ar broioù all ivez. Amañ eo bet Manuel Poirier o treiñ 3 film, ha bet eo Jean-Pierre Jeunet o lakaat Audrey Tautou da c’hoari. E miz Genver 2010 e oa Catherine Deneuve e Kemper…

    evit gouzout hiroc’h

  • Château de Combourg (35)

    Al lennegezh

    Merket eo bet lennegezh Breizh gant ar skrivagner romantel François René de Chateaubriand, evel pa vefe e stil o c’hwezhañ diwar e roc’h e Sant-Maloù. Kalz a skrivagnerien all zo bet levezonet gant an douaroù pe al lec’hioù o doa dibabet. Lod a denn o ijin diwarno war eeun, evel Pêr-Jakez Helias e-barzh Marc‘h al lorc‘h pe Pierre Loti gant Pempoull. Lod all a ijin traoù nevez pa vezont e Breizh, evel Alfred Jarry e Roazhon. 

    evit gouzout hiroc’h

  • Gouelioù ha festivalioù

    Dañsal ar jabadao pe tekno en Trans ? Kontadennoù gallaouek pe Ken Loach er yezh orin e Dinarzh ? Un tournamant giz ar Grennamzer e Dinan pe ur battle hip-hop ? A-hed ar bloaz e weler gant ar gouelioù hag ar festivalioù pegement a startijenn a zo gant Breizh, ur rannvro plijus an darempredoù etre an dud enni. Gouelioù Etrekeltiek an Oriant, an Erer Kozh e Karaez zo darvoudoù brudet e Frañs a-bezh ha gortozet e vezont gant miliadoù a dud. Abadennoù a-feson evit soubañ er sevenadur ! 

    evit gouzout hiroc’h

  • Breton à la canne

    Kontadennoù hag hengounioù dre gomz

    Troet eo Breizh war an traoù burzhudus, gant-se eo bet a-viskoazh bro ar gonterien. Dastumet eo bet ar marvailhoù a veze kontet da-geñver ar beilhadegoù, kuit d’an dud d’ankouaat ez eus evit gwir eus an diaoul, an Ankoù, an nerzhioù dreistnaturel pe ar mein ganto galloudoù kuzh. Prouennoù a gaver e lec’hioù zo ! Roet e vez buhez d’ar c’hontadennoù-se en-dro da-geñver nozvezhioù pe festivalioù.
     

    evit gouzout hiroc’h

  • Dañs

    Plijout a ra d’ar Vretoned dañsal, hag a-viskoazh eo plijet se dezho. Kaoz a oa eus se gant an Itron de Sévigné ha taolennet e oa bet meur a zañs-tro – an-droioù, gavotennoù ha kement zo – gant livourien eus an 19vet kantved. Hiziv an deiz e vez degaset c’hoant d’an dud, forzh pe oad e vefent, da hejañ o zreid gant ar festoù-noz hag ar festoù-deiz. Bep dibenn-sizhun e kustum miliadoù a dud, re ampart pe deraouidi, dañsal a-stroll gant kalz a blijadur.

    evit gouzout hiroc’h